BBC navigation

Ramsey na fatan Van Persie ya tsaya

An sabunta: 22 ga Yuli, 2012 - An wallafa a 16:40 GMT
robin van persie

Robin van Persie

Dan wasan tsakiya na Arsenal Aaron Ramsey na son ganin Robin van persie ya cigaba da zama a kulub din.

Ramsey wanda ya ke cikin tawagar 'yan kwallon kafar Burtaniya ta wasannin Olympics yace van Persie yayi rawar gani sosai a kakar wasan da ta wuce kuma babban dan wasane a wurinsu saboda haka suke fatan ya tsaya.

Ramse yace basu san abin da ke wakana tsakanin dan wasan da shugabannin kungiyar ta Arsenal ba a halin yanzu, amma dai babban fatansu shi ne van Persie ya tsaya a kulub din.

Kungiyar Arsenal ta yi watsi da bukatar dan wasan da kungiyoyin Manchester United da Manchester City da kuma Juventus su ka gabatar mata akan van Persien.

Sauran shekara daya ta ragewa Van Persie dan shekara 28 , a kungiyar ta Arsenal wadda yace ba zai sabunta kwantiraginsa da ita ba.

Van Persie ya ciwa Arsenal kwallaye 37 a kakar wasannin da ta wuce, 30 daga ciki a wasannin premier, ya zama zakaran dan wasan Kungiyar kwararrun 'yan wasa ta Ingila ,PFA da kungiyar marubuta wasanni kuma ya taimakawa kungiyar ta Arsenal ta farfado a gasar premier da ta gabata har ta zama ta uku.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.