BBC navigation

Mohammed Bin Hammam ya yi nasara a kotu

An sabunta: 19 ga Yuli, 2012 - An wallafa a 11:19 GMT

Shugaban hukumar kwallon kafa na duniya Sep Blatter

Kotun sauraron laifuka kan wasanni ta soke dokar da ta haramtawa tsohon dan takarar shugabancin Hukumar kwallon kafa ta Duniya watau FIFA Mohammed Bin Hammam aiki har tsawon rayuwarsa game da tuhumar da ake masa ta bada cin hanci.

An zargi Mohammed Bin Hammam da yunkurin sayen kuri'u gabanin zaben shugabancin Hukumar Kwallon kafa ta duniya da aka yi a bara.

Daga bisani hukumar ta FIFA ta haramtawa Bin Hammam gudanar da wani aiki da ya shafi kwallon kafa a cikin kasarsa da kuma kasashen duniya.

Sai dai kotun ta ce ba bu wata kwakkwarar hujja dake nuni da cewa ya aikata laifi, ko da yake kotun ta ce hukuncin ba wai yana nufin cewa ta wanke Mr Hammam daga tuhumar da ake masa ba ne.

Mohammed Bin Hammam me shekaru sittin da biyu da tsohon mataimakin shugaban hukumar ta FIFA Jack Warner ,an dakatar dasu daga aiki ne sakamakon wani rahoto da ya nuna cewa an baiwa jamian hukumar kwallon kafa ta kasashen Carribbeans su hudu cin hanci ko kuma lamarin ya faru ne a gabansu a taron da aka yi a watan Mayu na bara.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.