BBC navigation

Muna son Wenger ya ci gaba da zama - Arsenal

An sabunta: 15 ga Aprilu, 2012 - An wallafa a 14:36 GMT
Arsene Wenger

Arsene Wenger ne kocin da ya fi dadewa a tarihin Arsenal

Shugaban kulob din Arsenal Peter Hill-Wood ya ce zai so kocin kulob din Arsene Wenger ya tsawaita kwantiraginsa, wacce za ta kare a watan Yunin shekara ta 2014.

Kocin wanda a 'yan watannin da suka wuce ake batun korarsa, ya farfado da martabarsa tsakanin magoya bayan kulob din, sakamakon wasu nasarori da ya samu.

Hill-Wood ya bi sahun magoya bayan Arsenal wurin nuna sha'awar kocin dan kasar Faransa ya ci gaba da zama a Arsenal .

Ya shaida wa jaridar Daily Mirror cewa: "Babbar nasara ce idan ya ci gaba da zama a kulob din har fiye da shekarar 2014. Ba na ganin akwai wanda ya fi shi cancanta ya jagoranci kulob din.

Ya soki mutanen da ke cewa Arsene Wenger ba ya tafiya da zamani don haka kamata ya yi a kore shi.

Haskakawar da Arsenal ke yi a yanzu ta sa sun koma mataki na uku a teburin Premier inda suka haye saman abokan hamayyarsu Tottenham da kuma Chelsea.

"Yana da matasan 'yan wasa, masu hazaka da kwarewa," a cewar Hill-Wood.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.