BBC navigation

Masar ta gayyaci 'yan wasa 73 domin Olympics

An sabunta: 12 ga Aprilu, 2012 - An wallafa a 18:19 GMT
Tawagar Masar

Masar na fuskantar koma baya a 'yan kwanakin nan

Kocin 'yan kwallon Masar na 'yan kasa da shekaru 23 Hany Ramzy ya gayyaci 'yan wasa 73 domin shirye-shiryen gasar kwallon kafa ta Olympics.

Domin tantance 'yan wasan, an shirya cewa tawagar za ta yi wasannin sada zumunci 14 tsakanin 15 ga watan Afrilu da 19 ga watan Yuli.

Tawagar ta hada da shahararrun 'yan wasa kamar Ahmed Hassan, Mohamed Aboutrika da Essam El Hadary.

Ramzy yana da damar sanya 'yan wasa uku da shekarunsu suka haura 23 a cikin tawagar.

A yanzu haka 27 daga cikin 'yan wasan suna Costa Rica domin yin atisayi inda za su kara da Uruguay a wasan sada zumunta.

Suna kuma saran shirya wasu wasannin da Panama da Honduras.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.