BBC navigation

UEFA ta tuhumi Wenger da aikata ba-daidai-ba

An sabunta: 7 ga Maris, 2012 - An wallafa a 19:12 GMT
Arsene Wenger

Kocin Arsenal, Arsene Wenger

Hukumar Kwallon Kafa ta Turai, UEFA, ta tuhumi kocin Arsenal, Arsene Wenger, da laifin aikata ba daidai ba.

Wannan mataki na UEFA ya zo ne bayan Wenger ya furta wadansu kalamai dangane da alkalin wasa dan kasar Slovenia, Damir Skomina, bayan fitar da Arsenal daga Gasar cin Kofin Zakarun Turai ranar Talata.

Wenger ya tunkari Skomina ne bayan busa usir a karshen wasan, yana zargin alkalin wasan da baiwa AC Milan bugun falan-daya fiye da kima, duk da cewa kulob din na Italiya sun sha kashi da ci uku ba ko daya.

Bayan wasan, ya bayyana cewa: "Ban yi farin ciki da alkalin wasan nan na yau ba, saboda ina jin ya bayar da bugun falan-daya fiye da kima.

"Da zarar sun fadi sai ya ba su bugu, da suka fahimci haka kuma, sai suka yi ta amfani da damar suna zubewa".

A shekarar da ta gabata dai UEFA ta haramtawa Wenger zama kusa da 'yan wasansa har sau biyu.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.