BBC navigation

Sierra Leone na fuskantar dakatarwa

An sabunta: 1 ga Disamba, 2011 - An wallafa a 15:44 GMT

Kasar Sierra Leone na fuskantar dakatarwa daga harkokin kwallo kafa, saboda wata takkadama da ta taso tsakanin Hukumar kwallon kasar da gwamnatin kasar.

Ma'ikatar wasanni ta kasar dai ta dage gasar kwallon kafa a makon da ya gabata, saboda wata takkadamar da aka yi a wani taro tsakaninta da Hukumar kwallon kasar.

Hukumar Fifa dai ta yi barazanar daukar mataki a kan batun.

Tuni dai Ministan wasanni a kasar Paul Kamara ya dage dakatarwar da ya yiwa gasar, amma Hukumar kwallon kafa a kasar har yanzu na neman Fifa da ta dauki mataki a kan batun.

Hukumar kwallon kasar na neman ma'ikatar wasanni a kasar da ta yi mata alkawarin cewa ba za ta kara tsoma baki a kan harkokin ta ba.

Amma ma'ikatar wasanni ta ce kungiyoyi ne su ka amince da a dakatar da fara gasar.

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.