An sabunta: 13 ga Satumba, 2011 - An wallafa a 09:20 GMT

Novak Djokovic ya lashe US Open

Novak Djokovic

Novak Djokovic ya lashe Grand Slam uku a bana

Novak Djokovic ya tabbatar da matsayinsa na jagora a fagen Tennis din maza bayan da ya doke Rafael Nadal inda ya lashe gasar cin kofin US Open.

Dan wasan wanda shi ne na daya a jerin wadanda suka shiga gasar ya lashe wasanne da ci 6-2 6-4 6-7 (3-7) 6-1 a sa'o'i hudu da minti goma.

Nadal, wanda ke kokarin lashe Grand Slam a karo na 11, a yanzu ya sha kayi a dukkan wasanni shida da ya kara da Djokovic a 2011.

A yanzu Djokovic ne ke rike da kofunan Australian Open, Wimbledon da kuma US Open.

"Na ji dadi matuka," a cewar dan wasan mai shekaru 24, wanda ya sha kayi sau biyu kacal a wasanni 66 da ya buga a bana. "Na taka rawar gani a bana, kuma ina ci gaba da haskakawa. Koda yaushe na kara da Rafa ina jin jiki.

"Ya taka rawar gani a wannan gasar, ina so a ce muna da sauran wasanni a shekaru masu zuwa."

Nadal ya doke Djokovic a wannan mataki watanni 12 da suka gabata, amma yanzu ya sauya waccan nasara bayan da ya doke dan kasar ta Spain.

BBC navigation

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.