An sabunta: 27 ga Yuni, 2011 - An wallafa a 13:30 GMT

Arsenal na shirin sayarda Cesc Fabregas

fabregas

Cesc Fabregas

BBC ta fahimci cewar Arsenal na shirin sayarda Cesc Fabregas ga Barcelona idan har kulob din biyu suka amince akan faranshinsa.

Gunners dai sunki amince da tayin farko akan Kyaftin din, amma a yanzu zasu amince idan har aka kara kudi.

Babban jami'in Arsenal ya ce"sun yi mana tayi ta wajen shugabanmu Ivan Gazidis amma mun ce ba zamu yarda ba".

Da aka tambayeshi idan aka kara kudi zasu sayarda Cesc, sai yace"idan kudin yakai yadda muke so, zamu yarda".

A kakar wasan data wuce Arsenal taki amince da tayi har sau biyu daga Barcelona akan Fabregas.

A makon daya gabata shugaban Barcelona Sandro Rosell yace Fabregas na kokarin komawa kulob dinsa daya bari tun yana shekaru 16, amma dai Barca ba zata biya fiye da fan miliyan 35 akansa ba.

A halin yanzu dai Barcelona ta bada tayin kusan fan miliyan 27, amma dai Arsenal na tunanin akalla fan miliyan 40.

BBC navigation

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.