Mutane da dama ne suka rasa rayukansu a wani hari da aka kai a birnin Peshawar na Pakistan a ranar Laraba, 28 ga Oktoba 2009. (AFP, AP Photos)

Hukumomi sun ce an yi amfani da mota makare da bom ne wajen kai harin. An dai tsaurara tsaro a biranen kasar ta Pakistan.

An kai harin ne a yankin Peepal Mandi na birnin na Peshawar, kuma masu ceto sun yi kokarin kashe gobarar da ta biyo bayan harin.

Jama'a da dama sun kai dauki don ceto rayukan mutane, inda suka yi ta hake tarkace don fito da gawawwaki da kuma wadanda suka samu raunuka.

Mutane da dama ne dai suka samu raunuka a harin. Kasuwar da aka kai wa harin dai ana sayar da kayayyakin mata ne a cikinta.