A cikin wannan fim, wakilin BBC na musamman, Allan Little, ya bayyana yadda yake rubutu a fayyace, da nuna sanin abin da kake magana a kai, don watsawa a rediyo.

Ya ce, ana bukatar muhimman abubuwa biyu: ka kasance kana da abin cewa; kana ka fade shi a saukake da harshe marar wuyar ganewa.

Kamar kuma yadda Allan ya nuna, idan kana son ka zama marubuci na kwarai, to lalle ka dinga karatu tare da tunani a kan kalaman da aka yi amfani da su a dukkan abin da ka karanta; ka gane wanda ya yi aiki da wanda bai yi ba.

Kuma lalle, karara, ka san abin da kake son cimmawa: ba da labari ne, ko bayyana wani yanayi, ko fayyace wani abu mai sarkakkiya. Ko wane yana da salon da ake rubuta shi da shi.

Allan Little - Kashi na Daya

Allan Little - Kashi na Biyu