BBC navigation

An kashe mutane 172 a Gaza

An sabunta: 14 ga Yuli, 2014 - An wallafa a 05:27 GMT

Hare-haren Isra'ila sun haddasa mutuwar daruruwan mutane da asarar dukiya mai yawa a Gaza

Ma'aikatar lafiya ta Falasdinu ta ce mutane 172 aka kashe tun bayan da Isra'ila ta fara kai hare-hare ta sama a kan zirin Gaza.

Ma'aikatar ta kuma bayar da alkaluman mutanen da suka jikkata, wadanda suka haura dubu daya da dari biyu.

Babu wani dan kasar Isra'ila da ya mutu sakamakon harba rokokin da Hamas ke yi daga zirin, amma an kakkabo makamai masu linzami guda biyu da aka harba kan Tel Aviv.

Isra'la ta ci gaba da kai hare-hare a arewacin zirin na Gaza bayan da ta gargadi mazauna yankin su fice daga gidajensu.

Rundunar sojin Isra'ilar dai ta ce tana kai harin ne a kan wuraren da Hamas ke harba makaman roka.

Dubban Falasdinawa ne suka bar gidajensu a yankin arewacin Gaza bayan gargadin an Isra'ila.

Majalisar Dinkin Duniya ta ce mutane 17,000 sun nemi mafaka a cibiyoyinta yayin da Isra'ila ke ci gaba da kai hare-hare.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.