BBC navigation

An yanke ma wasu hukuncin kisa a Masar

An sabunta: 7 ga Yuni, 2014 - An wallafa a 15:52 GMT
Wasu mutane a harabar kotu a Masar

Wasu mutane a harabar kotu a Masar

Kotu a Masar ta yanke hukuncin kisa a kan shugabanni goma na kungiyar 'Yan'uwa Musulmi da aka haramta a kasar, bisa iza wutar tashin hankali, inda mutane biyu suka rasu a watan Yuli.

Muhammad Al Beltagy, kusa a Kungiyar 'Yan'uwa Musulmi, da ke cikin kejin tuhumammun, ya yi ta daga murya yana Allah wadai da masu shari'ar kasar.

Ya zarge su da bautar da jama'a, da mayar da su karkashin sojoji.

Mutane talatin da takwas ne dai aka gurfanar, sauran, da suka hada da jagoran kungiyar Muhammad Badie, za a yanke masu hukunci nan gaba.

Kodayake dama an yanke masa hukuncin kisa.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.