BBC navigation

'Batun Chibok zai kawo karshen ta'addanci'

An sabunta: 8 ga Mayu, 2014 - An wallafa a 14:22 GMT

Shugaba Goodluck Jonathan

Shugaban Najeriya, Goodluck Jonathan ya ce batun sace 'yan Matan chibok, ka iya kawo wani gagarumin sauyi a yaki da kungiyar Boko Haram.

A jawabin da ya gabatar a taron tattalin arzikin duniya kan Afrika a Abuja, Jonathan ya ce "Na yi imani cewa sace wadannan 'yan mata ka iya zama wani mafari na kawo karshen ta'addanci a Najeriya."

Ya kuma yaba wa Birtaniya da Amurka da China da Faransa a kan tayin taimakawa wajen kubutar da 'yan mata.

Sace 'yan mata fiye da 200 a Chibok makonni uku da suka gabata, ya harzuka jama'a a fadin duniya.

Kungiyar Boko Haram ta ce ita ce ta sace 'yan matan a ranar 14 ga watan Afrilu.

Abubakar Shekau, shugaban kungiyar ya yi barzanar sayar da 'yan matan a kasuwa.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.