BBC navigation

Labaran BBC Hausa a BBM

An sabunta: 28 ga Aprilu, 2014 - An wallafa a 16:06 GMT

BBC Hausa- Labaran duniya a duk inda kuke

Daga yanzu za ku iya samun labaran BBC Hausa a kan wayoyin salularku a shafin BlackBerry Messenger a Nigeria da sauran kasashen duniya.

Tsarin samar da labaran na BBC Hausa wani hadin gwiwa ne tsakanin Sashen BBC mai watsa shirye-shirye a kasashen duniya da kuma kamfanin BlackBerry.

A duk rana za a dunga samun sabbin labarai biyar daga sashin Hausa na BBC.

Domin samun labaran sai ku duba shafinmu na BBM mai lamba C00334DDD.

Kaddamar da labaran BBC Hausa a BBM wani sabon tsari ne na samarwa jama'a labarai a duk inda suke.

Editan BBC Hausa, Mansur Liman ya ce "Samar da labarai a BBM zai bada damar samun sabbin abokan hudda ta wayar salula a Nigeria."

Mataimakin Editan Labarai na BBC, Trushar Barot ya ce "An shafe watanni ana tattaunawa da BlackBerry a kan tsarin, kuma samar da labaran BBC Hausa a BBM dama ce ga 'yan Nigeria masu amfani da BBM."

Domin shiga shafi na BBM, masu amfanin da wayoyin salula na bukatar nemo kalmar BBC Hausa daga jerin shafukan da ake da su.

Ko kuma, ta shafinmu na intanat, watau BBChausa.com

Kada ku manta lambar PIN din namu ita ce C00334DDD.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.