BBC navigation

'Mutane 5 sun mutu a harin Soji a Borno'

An sabunta: 20 ga Maris, 2014 - An wallafa a 14:28 GMT

Dakarun Nigeria na farautar 'yan Boko Haram

Rahotanni daga kauyen Kayamla da ke karamar hukumar Konduga a jihar Borno na cewa sojoji sun kai hari da jirgin sama, lamarin da ya yi sanadiyyar mutuwar mutane akalla biyar, ya yin da wasu kuma suka jikkata.

Hakan ya biyo bayan wata wasika da mazauna garin suka ce wasu 'yan bindiga sun kai bariki dake cewa za su kara kai hari.

Wasu rahotannin sun ce 'yan Boko Haram da aka kubutar daga Barikin Giwa sun samu fake wa a kauyen, abin da ya sa sojojin suka kai farmaki da jirgin sama a kauyen.

A ranar Juma'ar da ta gabata ne aka kai hari barikin sojoji na Giwa, abin da ya janyo mutuwar sama da mutane 100, ciki har da fararen hula, bayan soji sun kai farmaki a kan maharan.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.