BBC navigation

Bani da manufa kan taron kasa- Jonathan

An sabunta: 17 ga Maris, 2014 - An wallafa a 18:32 GMT

Jonathan na shan suka game da taron kasa

Shugaban Nigeria, Dr Goodluck Jonathan ya kaddamar da taron kwamitin kasa a Abuja, babban birnin kasar.

A jawabinsa na bude taron, shugaban ya ce bai da wata bukata a boye da yake son cimma a wannan taron.

Mr Jonathan ya bukaci wakilan taron sun tattauna batutuwan da za su ciyyar da kasar gaba.

Wakilai kimanin dari biyar ne suke halartar taron, wanda zai tattauna a kan batutuwa daban-daban da suka shafi kasar.

'Yan adawa sun kaurace taron, inda suka ce bata lokaci ne kawai da barnata dukiyar al'umma.

Rahotanni sun nuna cewar za a kashe kusan naira biliyan bakwai a cikin watanni uku da za a shafe ana taron.

A watan Oktoban bara ne dai Shugaba Goodluck Jonathan ya ce za a yi taron kuma tun a lokacin ne batun ke ta janyo kace na nace.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.