BBC navigation

Ana ci gaba tsokaci kan dakatar da Sanusi

An sabunta: 21 ga Fabrairu, 2014 - An wallafa a 13:57 GMT

Wasu na ganin cewar akwai siyasa a cikin dakatar da Sanusi

Ana ci gaba da tsokaci game da dakatawar da aka yi wa gwamnan babban bankin Nigeria, Sanusi Lamido Sanusi.

Kungiyar Arewa Elders Forum ta bukaci gwamnatin tarayyar kasar da ta bada wasu gamsassun bayanai na dalilan da suka sa ta dakatar da gwamnan.

A ganin kungiyar dai gwamnatin kasar ba ta bi ka'idojin da suka dace wajen dakatar da gwamnan bankin ba, saboda haka ta bukace shi da ya garzaya kotu, tana mai cewar dakatar da shi din bita da kulli ne kawai.

Babbar jam'iyyar adawa ta Nigeria, APC ta ce matakin ya saba dokar da ta ce majalisar dattawa ce kadai za ta iya sauke gwamnan babban bankin kasar.

Gwamnatin Nigeria ta bayyana dalilan da ta ke zargin gwamnan babban bankin kasar da aikatawa, wadanda a cewarta suka sa ta dauki matakin dakatar da shi daga mukaminsa.

Sanarwar wadda ke dauke da sa hannun sakataren gwamnatin tarayya, Anyim Pius Anyim, ta zayyana jerin abubuwan da ta ce laiffuka ne da ta ke zarginsa ciki hadda batun "kashe kudi ba bisa ka'ida ba, da kuma sabawa ka'idojin aiki".

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.