BBC navigation

Rikici ya rincabe a Ukraine

An sabunta: 19 ga Fabrairu, 2014 - An wallafa a 14:09 GMT

An tura karin dakarun gwamnati a Kiev

Ma'aikatar tsaro ta Ukraine ta tabbatar da cewar za ta aike da sojin kundunbala zuwa Kiev babban birnin kasar.

Ta jaddada cewar rawar da za su taka za ta kasance ta kare ofisoshin gwamnati da kuma cibiyoyin soji,amma ba don tinkarar masu zanga zangar kin jinin gwamnati ba.

Tashin hankalin ya yadu zuwa sauran garuruwa da birane; an kai wa Hedikwatar 'yan sanda hari a birnin Lviv na yammacin kasar da kuma gine ginen gwamnati a Ternopil.

Kasashen duniya sun soma mayar da martani mai kwari game da abubuwan da ke faruwa a Ukraine.

Ma'aikatar harkokin wajen Rasha ta bukaci shugabannin 'yan adawa su dakatar da zubar da ini, su kuma gaggauta komawa kan sansantawa tare da gwamnati.

Ministocin harkokin wajen Tarayyar Turai za su gudanar da wani taro na musamman a ranar Alhamis yayinda ake sa ran za a sa ka wasu matakan takaici a kan wadanda keda alhakin tashin hankalin.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.