BBC navigation

Izge: Mutane 10,000 sun tsallaka Adamawa

An sabunta: 18 ga Fabrairu, 2014 - An wallafa a 14:56 GMT

'Yan Boko Haram na kona gidaje da masallatai

Rahotannin da ke fitowa daga Jihar Borno dake yankin arewa maso gabashin Nigeria na nuna cewar mutane sama da 10,000 ne suka tsallaka zuwa makwabciyar jihar wato Adamawa sakamakon harin da 'yan Boko Haram suka kai a kauyen Izge.

Mutane kusan 106 ne aka kashe a sakamakon harin na kauyen Izge dake karamar hukumar Gwoza.

Wadanda suka tallaka din sun nemi mafaka ne a karamar hukumar Madagali ta jihar Adamawan.

Hukumar bada agajin gaggawa a Nigeria, NEMA ta ce kawo yanzu bata riga ta isa garin ba domin soma tallafawa mutanen.

Gwamnan jihar Borno, Alhaji Kashim Shettima ya yi alkawarin taimakawa mutanen suka yi asarar muhallinsu a kauyen na Izge.

Ofishin kare hakkin bil'adama na Majalisar dinkin duniya ya yi Allawadai da harin na Izge dama wanda aka kai a jihar Adamawa a kwanakin baya.

Wata sanarwa daga ofishin, ta ce harin ya jijjiggasu kuma ta yi kira ga gwamnati ta dauki matakan kare rayukan jama'a da dukiyoyin su.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.