BBC navigation

Ntaganda ya gurfana gaban kotun ICC

An sabunta: 10 ga Fabrairu, 2014 - An wallafa a 12:03 GMT

Bosco Ntaganda ya jagoranci dakarun 'yan tawaye

Tsohon madugun 'yan tawaye a Congo, Bosco Ntaganda ya gurfana gaban kotun hukunta manyan laifuka ta duniya-ICC a Hague.

Ntaganda ya musanta zargin aikata laifukan yaki a gabashin jamhuriyar dimokradiyar Congo, shekaru 10 da suka wuce.

Bosco Ntaganda wanda a Congo ake kiransa 'The Terminator' shi ne mutum na farko da ya mika kansa ga kotun bisa tuhumar aikata laifukan yaki a kasar.

Ya mika kansa ne a ofishin jakadancin Amurka dake Rwanda a bara.

Mr Ntaganda na daga cikin wadanda kotun ICC ke nema ruwa a jallo, inda ake tuhumarsa kan laifuka 18 ciki har da amfani da kanannan 'yan mata a matsayin sojoji tare da yin lalata dasu.

Sai dai ya musanta baki dayan zarge-zargen da ake masa.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.