BBC navigation

Gwamnatin Sokoto ta aurar da mata 125

An sabunta: 24 ga Janairu, 2014 - An wallafa a 16:58 GMT

Wasu daga cikin angwayen da aka yi wa aure

Gwamnatin jihar Sokoto dake arewacin Nigeria ta aurar da mata 125 a cikin shirinta na aurar da masu kananan karfi a jihar.

Gwamnatin jahar dai ta ce ta kashe kudi naira miliyan talatin domin aurar da matasan wadanda ba su da sukunin yin auren saboda tsadar da aure.

A jumlace mutane 250 ne za su amfani da wannan shirin, watau amare 125 da kuma angwaye 125.

Gwamnan jihar Sokoto, Aliyu Magatakarda Wammako ne zai kasance uban angwayen a yayinda Sarkin Musulmi, Alhaji Muhammad Sa'ad Abubakar III shi ne zai kasance uban amaren.

Gwamnatin jihar Kano ce dai ta soma bullo da irin wannan tsari na auren jama'a da yawa a lokaci guda a kasar, inda ta aurar da 'yan mata da zaurawa da fiye da 2,000.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.