BBC navigation

An dage shari'ar Mohammed Morsi

An sabunta: 8 ga Janairu, 2014 - An wallafa a 11:00 GMT

Magoya bayan Mohammed Morsi

Kotu a Masar ta dage sauraron shari'ar da ake yi wa hambararren shugaban Masar, Muhammed Morsi, har sai farkon watan Fabarairu.

Alkalin ya ce rashin kyawun yanayi ya hana helkoptan da zai kawo Mista Morsi daga Iskandiriya taso wa zuwa birnin Alkahira.

Sai dai daya daga cikin mutumin da ake tuhumarsa da Morsi din wato Essam El-Erain ya yi magana da karfi a cikin kotun inda yace Morsi ba zai hallarci zaman kotun da yake haramtacce ba.

Ana zargin Morsi da wasu manyan jami'an gwamnati da janyo kashe masu zanga-zanga a shekara ta 2012 kafin sojojin suyi masa juyin mulki.

Ana kuma tuhumarsa da hada baki da mayakan sa-kai na kasashen ketare wajen balle kurkuku.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.