BBC navigation

An fara tattaunawar sulhu kan Sudan ta kudu

An sabunta: 5 ga Janairu, 2014 - An wallafa a 04:27 GMT

Ana saran kawo karshen rikicin Sudan ta kudu

Bangarori biyu da ke rikici da juna a Sudan ta Kudu sun fara tattaunawar da za ta kawo karshen tashin hankalin da kasar ke ciki na makwanni.

Taron dai ana gudanar dashi a Addis Ababa babban birnin kasar Habasha bayan wani jinkiri na bazata.

Sai dai wakilin 'yan adawa Tabang Deng ya shaidawa BBC cewa shugaba Salva Kiir shi ya kamata ya fara daukar matakin kawo karshen rikicin.

Deng yace, "da irin kisan kare dangin da ake yi a kasar nan da fursunonin siyasa da ake tsare da su, ba ta yadda za a yi a samu damar zama teburin sulhu."

A yau Lahadi ne za a soma tattaunawar ta kai tsaye tsakanin wakilan Shugaban Sudan ta Kudu Salva Kiir da kuma tsohon mataimakinsa Riek Machar.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.