BBC navigation

Likita mai sayar da jarirai a China

An sabunta: 31 ga Disamba, 2013 - An wallafa a 13:20 GMT

'Yan sanda sun damke Zhang Shuxia

Wata likita a arewacin kasar China ta amsa laifin satar jarirai daga asibitin da take aiki, tana kuma sayar da su ga wasu dillalai na wata kungiya mai safarar jarirai.

Ana zargin likitar, Zhang Shuxia ne da sace jarirai bakwai a kan wasu 'yan dubban daloli, bayan ta shaidawa iyayen jariran cewa an haifi yaran ne da wata nakasa.

An kamata ne jim kadan yayin da take dab da ritaya, lokacin da wata uwa jikinta bai bata ba, ta kai kara wurin 'yan sanda.

An gano shidda daga cikin jariran lami lafiya, amma daya ya rasu.

Akwai kuma wasu mutanen takwas da ake zargin suna da hannu wajen safarar jariran.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.