BBC navigation

Sudan ta Kudu na fuskantar yakin basasa

An sabunta: 18 ga Disamba, 2013 - An wallafa a 06:01 GMT
'Yan gudun hijira na Sudan ta Kudu

Mutane suna tserewa daga Sudan ta Kudu saboda rikici

Shugaban kwamitin sulhu na Majalisar Dinkin Duniya Gerard Araud ya ce rikicin da ake yi a Sudan ta Kudu wanda ake ganin na kabilanci ne zai iya jefa kasar yakin basasa.

Mr Araud ya gaya wa BBC cewa Majalisar Dinkin Duniya ta samu rahotannin daruruwan mutane sun mutu tun lokacin da aka yi yunkurin juyin mulki a kasar a ranar Lahadi, kodayake ya ce, fadan bai cika shafar farar hula ba.

Ya ce wasu mutanen kimanin 20,000 sun nemi mafaka a harabar ofishin Majalisar Dinkin Duniya dake Juba babban birnin kasar kuma magunguna da abincin da majalisar ke da su na kula da dimbin mutanen na neman kaarewa.

Shugaban Sudan ta Kudu Salva Kiir ya dora laifin yunkurin juyin mulkin kan sojojin dake biyayya ga tsohon mataimakinsa Riek Marchar wanda ba dan kabilarsu ba ne.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.