BBC navigation

An binne Nelson Mandela a Qunu

An sabunta: 15 ga Disamba, 2013 - An wallafa a 11:25 GMT

Shugabanni a duniya sun jinjinawa Nelson Mandela

An binne gawar tsohon shugaban Afrika ta Kudu, Nelson Mandela a kusa da kaburburan 'yan uwansa a kauyen Qunu dake gabashin Cape.

A lokacin bukin dai shugabanni na siyasa dana addinni sun yi jawabai na ban kwana ga gwarzon yaki da wariyar launin fata a duniya.

Matar da ya bari, Graca Machel da Shugaban Afrika ta Kudu Jacob Zuma na daga cikin wadanda suka halarci wani bangare na bukin wanda 'yan kabilarsa ta Xhosa su ka shirya a kauyen da ya taso a Qunu.

Jana'izar tasa dai za ta kunshi al'adu na hukuma da kuma tsatsibe tsatsibe na kabilarsu , da ya hada da yanka wani bijimin sa.

Kimanin baki dubu biyar ne suka yi wa gawar ban girma na karshe a bikin da aka yi a wata makekiyar rumfa fara da aka kafa a kauyen.

Mr Mandela ya rasu ne a ranar 5 ga watan Disamba yana da shekaru 95.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.