BBC navigation

Kananan jiragen sama sun dakatar da zirga-zirga a Najeriya

An sabunta: 20 ga Nuwamba, 2013 - An wallafa a 10:05 GMT

Filin Jirgin Saman Birnin Legas

Yanzu haka kananan jiragen saman haya da ke tashi a Najeriya sun dakatar da zirga zirgarsu a kasar bayan bullo da wani sabon haraji da hukumar kula da sararin samaniya a kasar ta yi.

Sabon harajin dai na bukatar duk wani mai karamin jirgi da aka yi wa rijista a cikin kasar da ya biya dalar Amurka 3,000 kafin tashi yayin da wanda aka yi wa rijista a wata kasar waje zai biya dala 4,000.

Kungiyar Masu Jiragen Sama a kasar ta ce kananan jiragen ba za su ci gaba da jigilar fasinjoji ba har sai gwamnatin ta janye harajin.

'' Babu inda ake wannan a ko'ina a duniya. Ina tabbatar maka idan kana Turai ka tashi tafiya(da jirginka) abin da za ka biya kawai kudin sauka da na tashi daga filin jirgi'', in ji Mataimakin Sakataren kungiyar Alhaji Muhammed Tukur.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.