BBC navigation

Majalisa ta gayyaci hafsoshin tsaron Nigeria

An sabunta: 14 ga Nuwamba, 2013 - An wallafa a 10:18 GMT
Jami'an tsaron Najeriya

Gwamnatin Najeriya na neman tsawaita dokar- ta- baci a jahohin Borno da Yobe da Adamawa

A Najeriya, a yau ne ake sa ran manyan hafsoshin tsaro na kasar zasu bayyana gaban Majalisar wakilan kasar.

Manyan Hafsoshin Najeriyar zasu yiwa 'yan Majalisar bayani ne game da yanayin tsaro a jihohin Borno da Yobe da kuma jihar Adamawa, sakamakon dokar ta- baci da aka sanya a jihohin.

Majalisar dai ta dauki wannan mataki gabannin muhawara da zata yi dangane da bukatar da shugaban kasar ya gabatarwa 'yan Majalisun, na neman kara wa'adin dokar ta-baci a jihohin, wanda ke karewa a yau.

'Yan majalisun dai na bukatar Manyan Hafoshin sojin su fada musu irin nasarorin da aka samu a wadannan jahohin uku da aka sanyawa dokar- ta- baci.

Tuni dai majalisar dattawan kasar ta amince da wannan bukata ta Shugaban Kasa.

Kara wa'adin dokar- ta- bacin a wadannan jihohi uku dai ya janyo cece-kuce a cikin kasar.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.