BBC navigation

Noman ganyen taba ya karu a Afghanistan

An sabunta: 13 ga Nuwamba, 2013 - An wallafa a 15:34 GMT
Noman ganyayyaki masu sa maye a Afghanistan

Noman ganyayyaki masu sa maye a Afghanistan

Majalisar Dinkin Duniya ta ce noman ganyayyakin da ake sarrafawa ana miyagun kwayoyi da su ya karu ainun har ya kai yawan da bai taba kaiwa ba a shekarar nan.

Tan dubu biyar da rabi na Opium da aka noma a kasar a bana ya zarta na shekara ta 2007.

Kafin yanzun ba a taba noma wanda ya kai yawansa ba, kuma za a iya samar da hodar iblis ta heroin da Opium din da yawanta zai dara abinda ake bukata a duniya.

Babban jami'in ofishin Majalisar Dinkin Duniya mai kula da harkokin miyagun kwayoyi da manyan laifuka a Kabul, Jean-Luc Lemahieu, ya ce da alamu noman ya sake karuwa a shekara mai zuwa, yayin da ake fargabar shiga yanayi na rashin tabbas a kasar, saboda janyewar galibin sojojin kasashen waje, da kuma zaben shugaban kasar ta Afghanistan da za a yi.

Ya ce nauyi ya hau kan kasashen duniya na taimaka wa kasar ta Afghanistan.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.