BBC navigation

An cimma yarjejeniya kan nukiliyar Iran

An sabunta: 11 ga Nuwamba, 2013 - An wallafa a 14:27 GMT

Shugaba Hassan Rouhani

Iran ta cimma yarjejeniya da hukumar kula da makamashin nukiliya ta Majalisar Dinkin Duniya IAEA a game da shirinta na nukiliya bayan tsaikon da aka samu na watanni.

Yarjejeniyar ta zayyana jadawalin fahimtar juna a kokarin rage damuwar da ake da ita game da shirin nukiliyar Iran din a baya.

Hakan ya share fage ga masu bincike su sami kaiwa ga muhimman tashoshi biyu na nukiliyar ba tare da shamaki ba.

Da yake jawabi ga 'yan jarida a Vienna kafin ya wuce Tehran, shugaban hukumar ta IAEA Yukia Amano ya baiyana yarjejejniya a matsayin matakin farko na cigaba.

"kamar yadda ku ka sani Iran ta gabatar da sabbin shawarwari a watan da ya gabata, wannan ya kunshi matakai na zahiri na karfafa fahimtar juna da tattaunawa, mun kuma kudiri aniyar cigaba akan wannan", in ji Amano.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.