BBC navigation

Zamu dauki matakai kan leken asiri - Kerry

An sabunta: 1 ga Nuwamba, 2013 - An wallafa a 15:49 GMT

John Kerry

Sakataren harkokin wajen Amurka, John Kerry, ya yi alkawarin yin aiki tare da shugaba Obama domin kawo karshen abun da ya kira matakan da ba su dace ba da hukumar leken asirin kasar ke dauka.

A wani jawabi ta bidiyo da ya yiwa wani taron kasa da kasa a London, Mr Kerry ya ce a wasu lokutan aikin leken asirin da Amurka ke yi, yana wuce gona da iri.

Ya ce "Na yarda, kamar yadda shugaban kasa da kansa ya fadi, cewa a wasu lokutan abun yana wuce makadi da rawa; kuma za mu dauki matakan da suka dace domin hana sake aukuwar hakan".

Mr Kerry ne jami'in gwamnatin Amurka mafi girman mukami da ya yi magana kai tsaye a kan zarge-zargen da aka yi cewa hukumar leken asirin Amurkar ta saurari maganganun waya na shugabannin gwamnatocin kasashen dake kawance da ita.

Sai dai Mr Kerry din ya ce akwai bukatar a kara sa ido, saboda hakan na yin rigakafin hare-haren ta'addanci.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.