BBC navigation

Iyaye na so a bayyana wadanda aka kashe a Apo

An sabunta: 14 ga Oktoba, 2013 - An wallafa a 11:22 GMT
Wasu dakarun sojin najeriya

Sojojin Najeriya da hadin gwiwar jami'an SSS ne suka kai samamen na Apo a Abuja

A Najeriya, iyaye da 'yan uwan mutanen da aka kashe da wadanda suka jikkata a wani gida da ba a kammala ba dake kusa da rukunin gidajen 'yan majalisa a Abuja, sun nemi gwamnati ta bayyana sunayen wadanda abin ya shafa.

Haka kuma iyayen wadanda har yanzu jami'an tsaro ke tsare da su, suna cikin fargaba game da makomar 'ya'yansu.

Onorable Ashiru Tukur Idris na daga cikin 'yan majalisar dokokin kasar dake wakilitar yankunan wadanda abin ya shafa, kuma ya shaida wa BBC cewa, jami'an tsaro sun hana su gana wa da wadanda ake tsare da su.

Mutane dai na dakon rahoton hukumar kare hakkin dan adam ta kasar, dake bincike a kan lamarin da kuma rahoton kwamitin majalisar dattawan kasar.

Kimanin mutane 9 ne rahotanni suka ce an kashe a unguwar ta Apo, bayan wadanda aka jikkata da harbin bindiga, da kuma wasu da aka yi awon-gaba da su.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.