BBC navigation

Italiya na kara sintiri a tekun Bahar Rum

An sabunta: 14 ga Oktoba, 2013 - An wallafa a 05:19 GMT
Ma'aikatan ceto a Italiya

Ma'aikatan ceto a Italiya

Kasar Italiya tana kara yawan jami'an tsaronta da ke aikin sintiri a tekun Bahar Rum yayin da take fadada aikin nema da ceton 'yan ci rani daga kasashen Afrika a tekun.

Ana saran sojoji dake sintiri za su maida hankali a yankunan da suka hada da Sicily, da Malta da kuma gabar tekun Libya.

Wannan shiri da hukumomi a Italiya suka bullo dashi nada zummar ganin an kaucewa abkuwar hadurran jiragen ruwa ne a tekun a nan gaba.

Tun bayan da wani jirgin ruwa ya nutse da bakin haure 150 ne a tsibirin Lampedusa Prime ministan Italiya Enrico Letta ya yi ta fuskantar matsin lamba na ya inganta matakan samar da agaji.

Italiya da Malta na son sauran shugabannin kasashen Turai su ma su dauki irin wannan mataki a babban taron da za su yi a wata mai zuwa.

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.