BBC navigation

Majalisar Nijar za ta yi zama kan kasafin kudi

An sabunta: 4 ga Oktoba, 2013 - An wallafa a 07:20 GMT
Shugaban Jamhuriyar Nijar Muhammadu Issoufou

Shugaban Jamhuriyar Nijar Muhammadu Issoufou

Majalisar dokokin Nijar za ta soma wani zama na watanni biyu, domin tattaunawa a kan sabon kasafin kudi na shekara ta 2014.

Sabon kasafin kudin da ya kai sefa biliyan 1800 ya dara na bara da kimanin biliyan 500 na sefa.

A taron ta na ranar Litinin din da ta gabata ne gwamnatin ta yi na'am da shi, ta kuma ce da wannan kudin ne take son ci gaba da zartar da ayyukan da ta riga ta soma na shirin farfado da arziki da kyautata rayuwar jama'a.

'Yan majalisar dokokin za su mayar da hankali wajen bin kasafin kudin daki-daki su dubi kudaden da gwamnatin ta ware wa ko wane fanni domin bayar da shawarwarinsu a kai.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.