BBC navigation

An yi yunkurin kashe Kakakin Jihar Taraba

An sabunta: 19 ga Satumba, 2013 - An wallafa a 03:39 GMT

An dawo da Gwamna Danbaba Suntai ne daga Amurka a cikin wani yanayi mai rauni.

Rahotannin daga Najeriya sun ce an yi yunkurin hallaka Kakakin Majalisar Dokokin jihar Taraba Hon. Haruna Tsokwa da yammacin ranar Laraba.

Wasu 'yan-bindiga ne suka bude wa Kakakin Majalisar Dokokin da 'yan tawagarsa wuta kan hanyar Jos zuwa Abuja; sai dai babu wanda ya rasa ransa.

Harin ya zo ne kwana daya bayan da Kakakin ya shaidawa wata kotu a Jalingo cewa wasikar da aka aika wa Majalisarsa da sunan Gwamna Danbaba Suntai ta bogi ce; a wata shara'a da Gwamnan ya shigar domin kalubalantar matakin da majalisar ta dauka na kin amincewa komawarsa bakin aiki.

Sai dai wani mataimaki na musamman ga Kakakin ya nisanta harin daga alaka da dambarwar siyasar jihar, inda ya ce 'yan fashi da makami ne suka kai farmakin, ko da yake dai ya ce basu nemi karbar komai daga tawagar ba.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.