BBC navigation

Sake bincike kan mutuwar Hammarskjold

An sabunta: 9 ga Satumba, 2013 - An wallafa a 20:46 GMT
Marigayi Dag Hammarskjold

Marigayi Dag Hammarskjold

Hukumar bincike ta lauyoyi da ke gudanar da bincike akan mutuwar tsohon sakatare janar na Majalisar dinkin duniya, Dag Hammarskjold ta nemi Majalisar da ta sake bude binciken.

Jirgin saman Mr Hammarskjold na kan hanyarsa ne ta zuwa kasar Congo kan aikin samar da zaman lafiya a shekarar 1961 lokacin da ya fadi a Rhodesia ta Arewa, wato kasar Zambia a yanzu.

Wakilin BBC ya ce wani bincike da Majalisar ta gudanar a shekarar 1962 ya gaza gano musabbabin mutuwar ta sa, amma dai akwai lauje a cikin nadi inda wasu kwararru ke cewa an harbi jirgin ne.

Hukumar gudanar da binciken ta ce akwai muhimman shaidu da za su taimaka a sake gudanar da binciken kuma hukumar leken asiri ta Amurka na da muhimmman bayanai kan lamarin.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.