BBC navigation

Malamai za su yi yajin aiki a Ingila

An sabunta: 5 ga Satumba, 2013 - An wallafa a 13:21 GMT

Malaman makarantar za su yi yajin aikin ne saboda matsalar albashi

Kungiyoyin malaman makaranta guda biyu mafi girma a Ingila, na shirin tafiya yajin aikin gama-gari na kwana daya, saboda matsalar albashi da fansho da kuma yawan ayyukan da suke yi.

Sai dai kungiyoyin watau NUT da NASUWT ba su sanar da ranar da za su fara yajin aikin ba, amma sun yi kira da a yi tattaunawa, maimakon babatun da gwamnati ke yi.

Sakataren Ilimi, Michael Gove, ya ce ba su da wani dalili na tafiya yajin aikin.

A ranar daya ga watan Oktoba za a gudanar a yajin aiki a yankunan kasar da suka hada da gabashi da tsakiyar Ingila da Yorkshire da Humberside, sannan za a gudanar da wani yajin aikin a wasu yankunan a ranar 17 ga watan na Oktoba.

Ba za a gudanar da yajin aikin a yankin Wales ba.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.