BBC navigation

Yajin aiki a Afrika ta Kudu

An sabunta: 3 ga Satumba, 2013 - An wallafa a 09:39 GMT

Ma'aikatan ma'adinai a Afrika ta Kudu

Ma'aikatan hako zinari a kasar Afrika ta Kudu su 80,000 za su soma yajin aiki don bukatar karin albashi.

Kungiyar ma'aikatan ma'adinai ta kasa-NUM na bukatar a kara albashi da kashi 60 cikin 100.

Ma'aikatan a makon daya gabata sun ki amincewa da karin albashi na kashi 6 cikin 100 kamar yadda hauhawar farashin kayayyaki yake a kasar.

Afrika ta Kudu ce kasar da ta fi kowacce a duniya samar da zinare amma a 'yan shekarunnan tana fuskanatar koma baya.

An kiyasta cewar yajin aikin zai janyo wa Afrika ta Kudu hasarar kusan fan miliyon 20 a kowacce rana.

Kungiyar kwadago ta NUM na kunshe da kashi 64 cikin 100 na ma'aikatan hako zinare su 120,000 a Afrika ta Kudu.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.