BBC navigation

Syria ce ta kai harin makamai masu guba —Amurka

An sabunta: 25 ga Agusta, 2013 - An wallafa a 10:16 GMT

Amurka da Birtaniya na shirn daukar mataki kan Syria

Manyan masu ba wa shugaba Obama shawara kan harkokin tsaro sun bashi cikakken bayanai kan matakan da za a iya dauka a matsayin martani kan harin makamai masu guba da aka kai a Syria.

Mr Obama ya kuma tuntubi Firai Ministan Birtaniya David Cameron, wanda ofishinsa ya nuna matukar damuwa da harin gubar da aka kai.

Ya ce alamun da ake dada gani na nuna cewa gwamnatin Syria ta kai harin makamai masu guba akan 'yan kasarta.

Gwamnatin Amurka ta ce sakataren harkokin wajenta John Kerry, ya shaidawa takwaransa na Syria cewa ya kamata a ce an ba wa masu binciken makamai masu guba na Majalisar Dinkin Duniya damar shiga yankin da aka kai harin a birnin Damascus.

Taron da Obama ya yi da masu ruwa da tsaki kan harkokin tsaro a Amurka ya zo ne a lokacin da Barack Obaman ya tattauna da Firai Ministan Birtaniya David Cameron kan kalubalen tsaro da ke fuskantar Amurka da Burtaniya, har da batun ci gaba da rikici a Syria.

Sai dai duk da wadannan kalaman da Amurkar ke yi cewa gwamnatin Syria na da alhakkin harin amfani da makamai masu guba, Gwamnatin Shugaba Assad na cewa bata da hannu kuma ta dage cewa 'yan tawayen ne suka kai harin.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.