BBC navigation

Syria ta bar masu binciken makamai su yi aiki

An sabunta: 25 ga Agusta, 2013 - An wallafa a 16:21 GMT
Harin makamai masu guba a Syria

Harin makamai masu guba a Syria

Syria ta amince ta kyale masu bincike na Majalisar Dinkin Duniya su ziyarci wani yankin dake wajen Birnin Damascus, inda ake zargin an kai hari da makamai masu guba a makon jiya.

Majaliar Dinkin duniyar ta ce jami'an nata zasu fara aiki a wurin gobe Litinin.

Majalisar dinkin duniyar ta ce gwamnatin ta amince zata dakatar da kai hare hare a yankin, a lokacin ziyarar jami'an a wurin.

Sai dai wani jami'in gwamnatin Amurka na cewa matakin da gwamnatin Syriar ta dauka a yanzu ya makaro, kuma gwamnatin Amurkar ta yi amannar cewa kusan babu wata tantama ita ce ta kai hari da makamai masu guba a kanfararen hula.

Ita dai gwamnati ta musanta wannan zargi.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.