BBC navigation

Uganda ta hana tusa keyar Joel Matabazi

An sabunta: 22 ga Agusta, 2013 - An wallafa a 07:16 GMT

Uganda ta bi dokar hana mika 'yan gudun hijira a tusa keyarsu

Gwamnatin Uganda da ofishinta da ke kula da 'yan gudun hijira sun hana tursasa tusa keyar tsohon mamba a cikin dogaran fadar shugaban kasar Rwanda.

Gwamnatin ta ce kama shi ya sabawa dokokin kasa da kasa kan kare 'yan gudun hijira wanda kasar Uganda na daga cikin kasashen da suka rattaba hannu.

Ministan dake kula da 'yan gudun hijira ya ce dan gudun hijira na ribatar kariyar kasa da kasa.

Joel Matabazi wanda yake kasar Uganda shekaru biyu tun bayan tserewa da ya yi daga Rwanda ana zaton 'yan sandan Uganda sun kama shi a daren Talata bisa muradin takwarorin su na Rwanda.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.