BBC navigation

An kashe mutane hudu a Gamboru Ngala

An sabunta: 21 ga Agusta, 2013 - An wallafa a 11:21 GMT

Mayakan Boko Haram

Rahotanni daga garin Gamboru Ngala a jihar Borno na cewar wadansu matasa da ake zargin 'yan Boko Haram ne sun kashe mutane hudu tare da raunata wasu takwas a wani hari da suka kaddamar a daren ranar Talata.

Wani mazaunin garin, ya tabbatarwa BBC cewar an yi jana'izar mutane hudun sannan wadanda suka samu raunuka suna jinya asibiti.

Mutumin wanda bai son a bayyana sunansa ya ce, 'yan Boko Haram din sun yi amfani da wata dabarar janyo hankalin 'yan garin ta hanyar busa asur kafin su bude musu wuta.

Babu wata kafa mai zaman kanta da ta tabbatar da wannan labarin saboda rashin wayar sadawar a jihar ta Borno.

Wannan lamarin ya faru ne kwanaki biyu ba yanda jami'an tsaro suka sanarda cewa watakila Shugaban Boko Haram, Abubakar Shekau ya mutu sakamakon raunukan da ya samu na harbin bindiga.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.