BBC navigation

Babu ranar janye yajin aiki —ASUU

An sabunta: 21 ga Agusta, 2013 - An wallafa a 15:18 GMT

Ministar Ilimi, Rukayyatu Rufa'i

Kungiyar malaman Jami'o'i ta kasa a Najeriya watau ASUU ta yi kashedin cewa babu wata rana ta janye yajin aikin da yanzu haka take yi muddin gwamnatin kasar ta gaza wajen aiwatar da yarjejeniyar da suka kulla da ita a shekara ta 2009.

Kungiyar ta ASUU ta furta haka ne bayan an gaza cimma matsaya a tattaunawar baya-bayan nan da suka yi da mukarraban gwamnati dangane da yunkurin da gwamnatin ke yi na kawo karshen yajin aikin.

Shugaban kungiyar ta ASUU, Dr Nasiru Isa Fagge ya ce sun lashi takobin ci gaba da yajin aikin ne saboda kalaman da Ministar kudin ta yi game da yarjejeniyar wadanda ya ce sun lura an ma raina musu wayau.

Kusan watanni biyu kenan da aka rufe jami'o'in Najeriya sakamakon yajin aikin malamai.

Rahotanni sun cewar, Shugaba Goodluck Jonathan na shirin tattaunawa da masu ruwa da tsaki kan batun don a warware takaddamar.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.