BBC navigation

Masar ta yi wa Obama raddi

An sabunta: 16 ga Agusta, 2013 - An wallafa a 09:46 GMT
Ginin da aka sanya wa wuta a Giza

An samu arangama tsakanin 'yan uwa musulmi da mazauna wajen birnin Alexandria

Fadar Shugaban kasar Masar ta ce takaicin da Shugaba Obama ya nuna a kan matakin da aka dauka a kan magoya bayan kungiyar 'yan uwa Musulmi zai kara karfafa gwiwar kungiyoyi masu tsattsauran ra'ayi.

A cikin wata sanarwa, Fadar Shugaban kasar ta ce, Kasar tana fuskantar abin da ta kira hare-haren 'yan ta'adda.

A ranar Alhamis, Mr Obama ya ce, hadin kan da Amurka ke da shi da kasar Masar ba zai ci gaba ba kamar yadda yake a da, a yayin da ake kisan farar hula a kan tituna.

Haka kuma kwamitin sulhu na Majalisar Dinkin Duniya ya yi wani zaman gaggawa a kan lamarin kuma ya nuna takaici game da rayukan da aka rasa, tare da yin kira ga dukkan bangarorin su daure, su mayar da wukakensu a kube.

Kungiyar 'yan uwa Musulmi ta yi kira da a yi tarukkan gangami na zanga-zanga bayan sallar Jumma'a yau a birnin Alkahira a kan abin da ta kira "ranar nuna bacin-rai".

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.