BBC navigation

'Yan Najeriya a Bakassi na tsaka mai wuya

An sabunta: 15 ga Agusta, 2013 - An wallafa a 14:26 GMT

Galibin al'ummar Bakassi masunta ne

'Yan Najeriya da ke zaune a tsibirin Bakassi, wanda ya koma mallakin Jamhuriyya Kamaru, suna can cikin tsaka mai wuya.

Hakan ya biyo bayan zabin da hukumomin na Kamaru suka ba su a kan ko dai su cike takardun zama 'yan Kamarun, ko kuma su ci gaba da zama a wurin a matsayinsu na 'yan Najeriya, amma su rika biyan haraji, ko kuma su san na yi.

Hakan nan kuma jama'ar tsibirin na Bakassi da suka yanke shawarar koma wa Najeriya tun wajen shekaru biyar da suka gabata dai, su ma suna kukan an yi watsi da su.

Najeriya ta mika ma kasar ta Kamaru ne yankin na Bakassi shekaru 5 da suka wuce, bayan wani hukunci na Kotun duniya.

Hukuncin ya kawo karshen cece-kuce tsakanin kasashen biyu da aka shafe shekara da shekaru suna yi.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.