BBC navigation

Kungiyar AU ta yaba da zaben Zimbabwe

An sabunta: 2 ga Agusta, 2013 - An wallafa a 12:08 GMT

Tsohon Shugaban Najeriya, Olusegun Obasanjo

Shugaban tawagar sa ido ta kungiyar tarrayyar Afrika a Zimbabwe, Cif Olusegun Obasanjo ya ce zaben da aka gunadar a ranar Laraba an yi cikin gaskiya da adalci.

Obasanjo ya ce akwai wasu 'yan matsaloli da aka fuskanta lokacin kada kuri'a amma basu kai su shafi sakamakon daukacin zaben ba.

Sakamakon farko na nuna cewar Shugaba Robert Mugabe na jam'iyyar ZANU-PF na ikirarin samun galaba.

Babban abokin hammayarsa, Morgan Tsvangirai ya bayyana zaben a matsayin wasan yara.

Kungiyar data fi kowacce girma a Zimbabwe wajen sa'ido akan zaben a ranar Alhamis ta ce an yi cuwa-cuwa sosai a zaben, inda tace mutane da yawa ba su samu damar kada kuri'ar su ba.

A ranar Laraba ne aka gudanar da zaben Shugaban kasa, da kuma na 'yan majalisar dokoki da kansiloli su 210 a kasarta Zimbabwe.

Hukumar zaben Zimbabwe-ZEC nada kwanaki biyar ta bayyana wanda ya lashe zaben.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.