BBC navigation

An kira a kama Shugaban Sudan a Najeriya

An sabunta: 13 ga Yuli, 2013 - An wallafa a 16:07 GMT

Masu fafutikar kare hakkin bil'adama a Najeriya sun ce za su garzaya kotu domin neman sammacin kama shugaban kasar Sudan, Omar al-Bashir, idan ya kai ziyara a kasar.

Kafar yada labaran gwamnatin Sudan ta ruwaito cewa shugaban zai tashi zuwa Abuja a gobe Lahadi domin halartar taron Kungiyar Tarayyar Afirka (wato AU) akan cututtukan AIDS da tarin fuka da kuma Malaria.

Wannan zai kasance ziyararsa ta farko zuwa Najeriya tun bayan da kotun kasa da kasa mai shari'ar manyan laifuka ta zarge shi a shekarar 2009 da laifukan yaki a Darfur.

Wata kungiyar kare hakkin bil'adama mai suna Nigerian Coalition for the ICC ta ce za ta dauki matakin shari'a domin tabbatar da cewa Najeriya ta cika kudirinta.

Kungiyar ta yi kira ga gwamnatin Najeriya da ta kama shugaban na Sudan, da zaran ya isa kasar.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.