BBC navigation

Kotu ta soke nadin shugabannin sojin Najeriya

An sabunta: 1 ga Yuli, 2013 - An wallafa a 20:34 GMT

Wata Babbar Kotun Tarayya a Najeriya ta yi shelar cewa nadin da aka yiwa dukkanin manyan hafsoshin rundunonin sojan kasar ya sabawa tsarin mulkin kasar.

Kotun, wadda ke zama a Abuja, karkashin jagorancin Mai Shari'a Adamu Bello, tace nadin shugabannin rundunonin kasar ya haramta, don haka ta soke shi.

Haka nan kuma kotun ta gargadi shugaban kasar da kada ya nada wasu akan wadannan mukamai ba tare da amincewar Majalissar Dattawan kasar ba.

Wadanda wannan shari'a ta shafa dai su ne shugabannin rundunonin mayakan ruwa da na kasa da na sama.

Wani lauya mai zaman kansa ne, Mr Festus Keyamu, ya shigar da karar tun shekara ta 2008.

Ya gaya wa BBC cewa ya gamsu da hukuncin da kotun ta yanke.

Kakakin Shugaba Goodluck Jonathan na Najeriyar, Dr Reuben Abati, ya ce gwamnati za ta yi nazarin hukunci kafin ta maida martani akan sa.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.