BBC navigation

'An kama maharan da suka kashe dalibai'

An sabunta: 20 ga Yuni, 2013 - An wallafa a 07:13 GMT
Maiduguri

Wasu sojojin Najeriya dake sintiri a birnin Maiduguri

Shalkwatar tsaro ta Najeriya ta ce sojoji sun kama wasu mutane 8 da ake zargin 'yan kungiyar nan da ake kira Boko haram da suka kai wa wasu makarantun sakandare biyu hari a jihohin Borno da Yobe.

Kakakin Shalkwatar tsaron Brigedier Janar Chris Olukolade ya shaida wa BBC cewa an kama maharan ne, a wajen garin Maiduguri kuma sojoji sun kashe biyu daga cikinsu.

Sai dai ya ce hare- haren baya bayanan da ake zargin 'yan kungiyar da kaiwa makarantu, wata dabara ce ta sanya tsoro a zukatun jama'a da kuma nuna cewa har yanzu suna nan da karfi duk da yadda jamian tsaro suka karya lagonsu.

A ranar lahadin din data gabata ne wasu 'yan bidiga suka bude wuta a wata makarantar sakadare a jihar Yobe inda suka kashe dalibai bakwai da kuma malamansu biyu.

Ha kama a Maiduguri 'yan bindigar sun kashe dalibai tara a wata makarantar sakadare, a lokacin da suke rubata jarabawa ranar litinin din data gabata.

Sai dai kamen da hukumomin tsaro ke ikirarin yi na zuwa ne, bayan da aka haramta amfani da wayar tauraron dan Adam ta Thuraya a jihar Borno .

Hukumomin tsaron dai na zargin an yi amfani da wayar Thuraya wajen tsara kai harin.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.