BBC navigation

'Mutane dubu 93 sun mutu a Syria'

An sabunta: 13 ga Yuni, 2013 - An wallafa a 15:41 GMT

Makabarta a Syria

Majalisar Dinkin Duniya ta ce mutane akalla dubu casa'in da uku ne aka kashe a Syria tun somin tashin hankali a can.

Alkaluman sun zarta kiyasin da aka bayar na karshe a cikin watan Janairu da dubu 30, inda mutane akalla dubu biyar suke mutuwa a kowane wata a Syria.

Majalisar Dinkin Duniya ta yi amannar cewar ainihin alkaluman sun fi haka saboda mutane da yawa ne ke mutuwa ba tare da bayar da rahoto ba, kamar dai yadda Kwamishinar kula da kare hakkin Dan Adam ta Majalisar Dinkin Duniya, Navi Pillay ta bayyana.

Alkaluman sun nuna cewar fiye da kashi 80 cikin dari na wadanda suka mutu maza ne, to amma fiye da dubu daya da dari bakwai yara 'yan kasa da shekaru 10 ma sun mutu.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.